上間綾乃里よ歌詞

里よ

上間綾乃

作詞：上間綾乃
作曲：伊集タツヤ
編曲：澤近泰輔
発売日：2013/06/19
この曲の表示回数：24,165回

涼風吹(しだかじふ)く季節(しち)に　旅立(たびだ)ちゅる里(さとぅ)よ
別(わか)り苦(ぐり)しゃあしが　我(わ)んや一人(ひちゅい)待(ま)ちゅさ

夢(いみ)しじくになりば　我(わ)ん泣(な)ちゅんとぅ思(うむ)り
女身(ゐなぐみ)ぬ芯立(しんた)てぃてぃ　唄声(うたぐぃ)届(とぅどぅ)きらな

森(むい)ん押(う)しぬきてぃ　海(うみ)ん越(く)いてぃ逢(あ)ゆらやしが
里(さとぅ)が居(い)める島(しま)や　なひんあがた

ありが姿(しがた)　面影立(うむかじ)立(た)ち勝(まさ)てぃ
里(さとぅ)よ　里(さとぅ)よ　行逢(いちゃ)いぶさや　里(さとぅ)よ

夢路橋(いみじはし)ゆ架(か)きてぃ　渡(わた)らていすしが
恐(うとぅ)るさくぬ闇夜(やみゆ)　我(わ)ん手(てぃ)ゆ取(とぅ)てぃたぼり

高(たか)さ山(やま)やてぃん　千里(しんり)ある砂浜(すなはま)やてぃん
愛(かな)し思(う)み里(さとぅ)に　会(あ)ゆらとぅ思みば

愛(かな)さ姿(しがた)　想(うむ)てぃ唄(うた)ら今宵(くゆい)
里(さとぅ)よ　里(さとぅ)よ　聞(ち)かりゆんな唄声(うたぐぃ)

やがてぃ　時(とぅち)や　待(ま)ちかにたる季節(しち)ど
里(さとぅ)よ　里(さとぅ)よ　行逢(いちゃ)いぶさや　里(さとぅ)よ

ありが姿(しがた)　面影立(うむかじた)ち勝(まさ)てぃ
里(さとぅ)よ　里(さとぅ)よ　行逢(いちゃ)いぶさや　里(さとぅ)よ

限(かじ)りねらん　契(ちぢ)り物語(むぬがたい)
里(さとぅ)よ　里(さとぅ)よ　我(わ)が愛(かな)さる里(さとぅ)よ

行逢(いちゃ)いぶさや　里(さとぅ)よ
契(ちぢ)りせる里(さとぅ)よ

この歌詞をマイ歌ネットに登録 >
このアーティストをマイ歌ネットに登録 >