下地勇反骨の島～アララガマ～歌詞

反骨の島～アララガマ～

下地勇

作詞：下地勇
作曲：下地勇
発売日：2009/09/02
この曲の表示回数：9,320回

待たれーん雨(あみ)てぃまいあーな?
呼(あ)びれーん風(かじ)てぃまいあーな?
神(かん)かい願(にご)う声(くい)　“ニヌヨーイ”
あしば強(つう)ふなす゜たー島(すま)

幾度(いふん)まい幾度(いふん)まい倒(とう)りんまい
うぬ身体(どぅー)まい　うぬ心(き゜む)まい折(ぶ)りんまい
幾度(いふん)まい立ちみしす゜人々(ぴすとぅぬきゃ)
魂(たます)ぬ声響(くいとぅゆ)む

鳥(とぅす゜)やあんしゅーてぃまい鳴きみしうー
草花(ふきぱな)や地(づー)ん這(ぱー)
どぅりーがみ耐(んびゃ)いどぅうー

あいまき雨風(あみかじ)てぃあいまきまいすーん
豊穣世(のーす゜ゆー)
直(なう)りぬ世(ゆー)う信じどぅ前(まぃ)ゆ見い
だまがいりぬ汗涙(あしなだ)　昨日(ぎぬ)んかい置(うつ)ぎ
血(あかつ)やまさがん子孫(ふふぁんまが)んまい流りうー
アララガマ!

届(とぅどぅ)かん願(にが)す゜てぃまいあーな?
直(なう)らん世(ゆー)てぃまいあーな?
心(ぎむ)ぬ底(すく)ぬ声(くい)　“ニヌヨーイ”
先世(さき゜ゆー)がみ響(とぅゆ)む

星(ぶす)やあんしゅーてぃまい光(ぴすか)りみしゅう
大太陽(うぷてぃだ)や照(てぃ)らす事忘(くとぅば)しだなうー

余す゜苦労(しがり)てぃどぅ投(てぃっう゜)い捨(し)てぃまいすーん
豊穣世(のーす゜ゆー)
和合(わごう)ぬ世(ゆー)う願(にが)いどぅ前(まい)ゆ見い
がまらっさぬ汗涙(あしなだ)　明日(あつぁ)んな持(む)たん
血(あかつ)やいつ世(ゆー)がみまい島(すま)ん流りうー　アララガマ!

幾度(いふん)まい幾度(いふん)まい倒(とう)りんまい
うぬ身体(どぅー)まい　うぬ心(き゜む)まい折(ぶ)りんまい
幾度(いふん)まい立ちみしす゜人々(ぴすとぅぬきゃ)
魂(たます)ぬ声響(くいとぅゆ)む

先世(さき゜ゆー)がみ響(とぅゆ)む
アララガマ!

この歌詞をマイ歌ネットに登録 >
このアーティストをマイ歌ネットに登録 >